Një 28-vjeçare shqiptare dhe një grek 27 vjeç, u arrestuan në Selanik, si pjesë e një organizate të trafikut të narkotikëve. Atyre iu sekuestrua një sasi prej 66 kg e 646 g marijuanë, që e kishin fshehur në dy banesa dhe në një vend ku hidheshin mbeturinat.
Hetimet zbuluan se çifti i të rinjve kishin rolin e transportit, fshehjes, ruajtjes dhe trafikimit të sasive të kanabisit të papërpunuar, në kompleksin urban të Selanikut.
Çifti përdorte një mënyrë të veçantë për të kamafluar sasitë e marijuanës, duke përdorur dodorantë dhe aromatikë të ndryshëm me qëllim për të maskuar erën e lëndëve narkotike.
Policia sekuestroi 3 peshore elektronike precize, 3 celularë si dhe 1 automjet që përdorej nga të rinjtë për transportin e drogës.
Discussion about this post