Departamenti Amerikan i Mbrojtjes ka pezulluar dërgesat e raketave të sistemit të mbrojtjes ajrore dhe municioneve të drejtuara me precizion për Ukrainën, për shkak të shterjes së rezervave, raporton Politico.
Vendimi, i iniciuar nga Nënsekretari i Mbrojtjes për Politikat, Elbridge Colby, erdhi pas një shqyrtimi të brendshëm që evidentoi rënie të ndjeshme të rezervave të predhave të artilerisë, raketave të mbrojtjes ajrore dhe municioneve të avancuara.
Sipas raportimeve, pezullimi i disa dërgesave të ndihmës, që u miratua fillimisht nën administratën e ish-Presidentit Joe Biden, është marrë në fillim të qershorit, por është zbatuar vetëm kohët e fundit.
Pentagoni ka siguruar se Forcat e Armatosura të SHBA-së mbeten “plotësisht të pajisura për të penguar çdo kërcënim”.
Discussion about this post