Çfarë do të bëjë Barcelona me Memphis Depay? Sulmuesi holandez, i cili ishte një hap larg Juventusit në verë, ka qëndruar në qëndruar në “Camp Nou”, por është përdorur shumë pak deri më tani, kjo edhe për shkak të dëmtimit që e ka lënë jashtë fushës së lojës në javët e fundit.
E ardhmja e tij do të vendoset pas Kupës së Botës. Të paktën kështu raportohet nga “Sport”. Klubi është i kënaqur me performancën e tij dhe mund t’i ofrojë atij rinovimin e kontratës, me aktualen që skadon në qershor të 2023.
Rinovim kontrate me një pagë në përputhje me situatën financiare të blaugranëve. Megjithatë, nuk përjashtohet që ish-lojtari i Lyon të shitet në janar, ku Galatasaray tashmë ka nisur kontaktet për transferimin e holandezit.
Discussion about this post