Enkelejd Alibeaj ka mbledhur grupin parlamentar për finalizimin e kandidatëve për zgjedhjet e 14 majit, pas mbledhjes së kryesisë që zhvilloi paraditen e sotme.
Deputetët duket se janë të ndarë në mendime. Jorida Tabaku dhe Dhurata Çupi kërkojnë që të mos nxjerrin kandidatë për kryetarë bashkie në mënyrë që PD të shkojë e bashkuar. Ato sugjerojnë që të bëjnë vetëm listat me këshilltar bashkiak.
Ndërkohë që për tu futur vetëm me këshilltar bashkiakë kanë kërkuar deputetë si Bardhi, Dash Sula, Korreshi, Nallbati etj, ndërsa deputetë si Orjola Pampuri, Agalliu e Çollaku kërkojnë të dilet me kandidatë.
Jorida Tabaku: Kam ndarë të njëjtin qëndrim që kisha në shtator, opozita duhet të dalë me kandidatë unikë! Nuk duhet në asnjë mënyrë qe ne të bëjmë betejë kundër nesh, ne kemi një kundërshtar kemi qeverinë dhe asnjë arsye dhe asnjë justifikim të jemi ne ata që përçajnë votën e opozitës!
Ne duhet të mbrojmë logon e PD, duhet të nxjerrim Partinë Demokratike si alternativë në këto zgjedhje! Unë nuk e bëj dot që të kërkoj votën kundër komenteve të mia! Unë nuk kam asnjë dyshim që ne për të fituar duhet të jemi bashkë, duhet të jemi dhe më shumë se kaq!
Dhurata Çupi: Së pari ne duhet të mbajmë strukturat unike dhe fakti që kemi mendim po thuajse gjysmë për gjysmë, kemi rrezikun që të ndahemi edhe një herë e mund të zvogëlohemi përsëri. Kjo është përgjegjësi direkt juaja, Enkelejd dhe Gazment. Ju duhet të jeni përbashkues.
Së dyti, kam refuzuar sulmet e Foltores si të shitur e të blerë dhe sot refuzoj akuzat këtu që ne qe kemi mendim ndryshe të konsiderohemi që shohim interesat tona. Këtë e refuzoj edhe këtu. Më dhemb PD dhe do bëj çmos të rritet PD dhe të bashkohet sa të mundet. Ne kemi optimizmin të dalim me listën e këshillave bashkiak dinjitozë dhe figura dinjitoze dhe të votohemi shumë më shumë se partitë e tjera. Ndërkohë, nuk duhet të dalim me kandidatura për kryetar bashkie. Dhe këtë e kam për të mirën e PD dhe të bashkimit.
Discussion about this post