Kryetari i Grupit Parlamentar të Partisë Socialiste, Taulant Balla, zhvilloi ditën e sotme një takim me një delegacion të Bundestagut gjerman, të kryesuar nga deputetët Nils Schmid dhe Christian Petry.
Gjatë takimit Balla vlerësoi bashkëpunimin ndërparlamentar dhe rolin e rëndësishëm mbështetës që Bundestagu gjerman ka ofruar ndaj reformave të ndërmarra nga Shqipëria si ajo në drejtësi apo reforma zgjedhore. Ndërsa ka theksuar se ky takim vjen në kuadër të publikimit të paketës së zgjerimit nga ana e Komisionit Europian.
“Isha shumë i nderuar të pres në Kuvendin e Shqipërisë një delegacion të Bundestagut Gjerman, menjëherë pas zgjedhjeve në Bundestag, dy deputetë të Grupit Social Demokrat z. Shmid dhe z. Petry, me të cilët patëm një bisedë shumë të frytshme lidhur me vijimin e bashkëpunimit që ne kemi me Bundestagun dhe me mbështetjen e pakursyer që Bundestagu gjerman i kanë ka dhënë procesit historik të anëtarësimit të Shqipërisë në BE. Kjo vizitë vjen menjëherë pas publikimit të paketës së zgjerimit nga ana e Komisionit Europian ku u ritheksua dhe një herë se Shqipëria dhe BE duhet të mbajnë brenda Krishtlindjeve konferencën e parë ndërqeveritare, e cila i hap rrugën procesit të negocimit të marrëveshjes për anëtarësim”, ka deklaruar Balla.
Nga ana tjetër deputetët gjerman komentuan pozitivisht progres raportin për Shqipërinë dhe shprehën mbështetjen për integrimin dhe zhvillimin e marrëdhënieve ekonomike midis dy vendeve. Sioas tyre Shqipëria ka bërë progres në reforëmn e drejtësisë, sipas të cilëve ishte një kusht i BE-së. Ndërsa kanë theksuar se pozita dhe opozita duhet të bëhen bashkë për të krijuar institucione të forta.
“Jam shumë i gëzuar që jam sot këtu. Partia Social Demokrate do të ndihmojë dhe do të bashkëpunojë për të inkurajuar vendimarrje pozitive për Shqipërinë për integrimin Europian. Ne përshëndesim përparimin dhe progresin që ka bërë Shqipëria në veçanti në lidhje me reformën në drejtësi, e cila ishte një kusht i BE. Jemi të gëzuar që shikojmë parlamentin e ri, pozitën dhe opozitën të cilët duhet të bashkëpunojnë dhe të krijojnë institucione të forta, sepse është shumë e rëndësishme”, ka deklaruar Nils Schmid
Sakaq, i pyetur për pritshmëritë e Budenstag për konferencën e parë ndërqeveritare, deputeti Christian Petry është shprehur se grupi Parlamentar i Miqësisë Shqipëri-Gjermani tregon bashkëpunimin dhe lobimin midis dy vendeve për sipërmarrjen, që sipas tij kjo iniciativë do të forcojë bashkëpunimin mes dy vendeve edhe në të ardhmen.
