Deputetët e Partisë Demokratike, kanë shpërthyer kundër Koordinatorit Kombëtar Ilir Beqaj, i cili po mbronte projektligjin. Ilir Beqaj, i përfolur në dosjen e korrupsionit me tenderat në Shëndetësi, është koordinatori kombëtar i fondeve IPA, dhe ky fakt është kundërshtuar fort nga opozita, e cila e ka cilësuar si presion që i bëhet drejtësisë.
Në seancën e sotme në Komisionin e Ligjeve është diskutuar marrëveshja me Bashkimin Europian, në lidhje me programin vjetor IPA.
“SPAK është plot me ministra, zëvendësministra, me deputetë, me Sekretarë të Përgjithshëm. Sërish ju bëni karshillëk, sillni këtu vjedhjen e radhës. Shantazhonte bizneset me 1 mln lekë gjobë ose mbyllje aktiviteti në këmbim të 500 mijë lekëve, SPAK çon në GJKKO inspektorin e ISHSH në Tiranë. Fondet e BE-së për bujqësinë sot po hetohen në SPAK. Të gjithë deputetët e mazhorancës kanë përfituar nga ato fonde. Turp.”, u shpreh ligjvënësja demokrate, Dhurata Çupi. Në të njëjtën mendim ishte edhe deputeti Asllan Dogjani.
“Është sfidë morale dhe presion që i bëhet SPAK-ut, fakti që Ilir Beqja vjen dhe mbron këtu një nisëm të Bashkimit Europain. Ilir Beqja është në SPAK për korrupsion.”, u shpreh Dogjani.
Ndërsa deputeti Sajmir Korreshi, në formë proteste braktisi mbledhjen e komsionit.
Discussion about this post