Sot, deputetët e Partisë së Lirisë, Petrit Vasili dhe Erisa Xhixho, së bashku me sekretarin e përgjithshëm Tedi Blushi dhe kryetarin e Këshillit Kombëtar të Drejtësisë, Edmond Haxhinasto, kanë shkuar për të takuar presidentin e Partisë së Lirisë, Ilir Meta, i cili është në paraburgim prej katër muajsh.
Në një deklaratë përpara burgut 313, Vasili u shpreh se iu pengua takimin me zotin Meta dhe se kjo është një shkelje flagrante e standardeve demokratike, pasi qeveria pengoi takimin që ishte lajmëruar dhe kërkuar zyrtarisht, edhe pse të gjitha dokumentet përkatëse ishin dorëzuar.
Ai theksoi se pasi ata hynë në ambientet e paraburgimit, u detyruan të presin mbi një orë e gjysmë pa asnjë njoftim të arsyeshëm. Vasili kritikoi kryeministrin për fjalët e tij të pafundme për standardet demokratike, ndërkohë që realiteti është krejt i ndryshëm. Ai deklaroi se qeveria ka përdorur administratën shtetërore për të bllokuar një të drejtë themelore, që është takimi me presidentin e PL. Vasili e cilësoi këtë si një akt të dhunës ndaj të drejtave të deputetëve.
Vasili: Qeveria, se këtu është qeveria, është duke shkelur çdo lloj standarti demokratik, pengoi takimin tonë të lajmëruar e të kërkuar zyrtarisht me të gjitha dokumentet përkatëse që duhen për këtë gjë, edhe të njohur më parë dhe konsumoi një fazë të neveritshme.
Pasi kemi hyrë në ambientet e paraburgimit, në oborrin përkatës, jemi detyruar të presim mbi një orë e gjysmë për t’na njoftuar që nuk mund të bëjmë takimin e kërkuar plotësisht sipas rregullave dhe ligjeve të këtij vendi.
Siç e shikoni, farsa e këtij karagjozi që kemi në kryeministër, që flet për standarte demokratike, shumë i shqetësuar për respektimin e standarteve, ju e shikoni vetë që 2 deputetë, unë dhe zonja Xhixho duke respektuar çdo rregull e çdo ligj kërkuam të bëjmë takim me presidentin e Partisë së Lirisë dhe u penguam ndërkohë që ju e dini shumë mirë se jeni njoftuar, kemi që nga ora 9 e gjysmë, opero orë të tera që presim refuzimin e tyre.
E vetmja gjë që ka ndodhur është paniku që u ka shpërthyer, nuk e mbajnë dot, nuk e dinë se ku ta shprehin, pasi takimi është një e drejtë minimale, bazike, është minimumi i takimit të domosdoshëm e të lejuar, pra nuk kemi shkelur asnjë ligj, por ata kanë një standart tjetër, këta kanë standartin e rrethimit, e presionit, e përdorimit të administratës shtetërore siç e pate atje në sheshin ‘Skënderbej’ dje, pra këta kanë antiligjin, antishtetin, dhunimin e çdo të drejte sepse motoja e tyre e vetme është të vjedhin e të dhunojnë shtetin në çdo pozicion të tij.
Refuzimi i sotëm i të drejtës së 2 deputetëve, që buron nga ligji por edhe nga ligji për statusin e deputetit, pra është një e drejtë e konsoliduar, u dhunua në mënyrën më të shëmtuar pa dhënë asnjë motiv.
Ne i kemi bërë kërkesën edhe SPAK-ut të cilin kishin detyrim të komunikonin me njëri-tjetrin, se këta njësh janë, dhe të gjithë bashkë, në bazë të një skenari të mirëmenduar, penguan me të gjitha mënyrat që patën takimin e deputetëve të Partisë së Lirisë, me presidentin e Partisë së Lirisë.
Discussion about this post