Ish-deputeti demokrat Gent Strazimiri është shprehur se reagimi i deputetëve të Partisë Demokratike për dorëheqjen e kryedemokratit Lulzim Basha është i vonuar. Në një intervistë për mediat, Strazimiri tha se 6 marsi rikonfirmoi se shumica absolute e gjithë shqiptarëve kërkojnë opozitë pa marrëveshje me qeverinë.
“6 marsi ishte një test. Ishte testi i tretë në radhë, veçanërisht për PD. 6 marsi tregoi se PD, Komisioni i Rithemelimit, Kuvendi i datës 11 dhjetor, referendumi i datës 18 dhjetor rikonfirmuan dhe njëherë se shumica absolute e gjithë shqiptarëve që kërkojnë opozitë pa marrëveshje me qeverinë. Shkodra i dha një sinjal të gjithë Shqipërisë. Unë mendoj se Basha është i vetmuar. Basha po tregon çdo minutë e më shumë se është i padenjë. Është një thirrje e vonuar nga ata që kanë kërkuar dorëheqjen e Bashës. Është një reflektim i vonuar. Mendoj se e vetmja zgjidhje është vota. PD është një parti që lindi nga vota e lirë. Do të rikthehet përsëri në pushtet duke përfaqësuar lirinë dhe demokracinë”, tha Stazimiri.
Strazimiri shtoi se zgjidhja e vetme për PD është vota.
“E drejta për votën e lirë nuk përjashton as Basha, E vetmja rrugëzgjidhje është që të votojnë demokratët për atë që duan t’i drejtoj. Vetëm kështu tregohet dashuria për PD,” tha Strazimiri ndër të tjera.
Discussion about this post