Deputeti Lefter Gështenja tha se kolegët e tij janë fyer e sharë pas mbledhjes së Kryesisë së PD-së.
I pranishëm në emisionin “Open”, Gështenja tha se e kishin karikuar të gjithë miletin se një grup deputetësh duan të çojnë PD te zoti Berisha.
Lidhur me atë se çfarë ndodhi pas mbledhjes së Kryesisë, Gështenja tha përveç demokratëve dhe kryetarëve të degëve, të cilët i ka pasur në krah për një kohë të gjatë, ishin rreth 3-4 persona të cilët i shihte për herë të parë, të cilët ofendonin dhe lëshonin fjalë kërcënuese në drejtim të deputetëve.
Ai shtoi se vendimi në lidhje me dy propozimet, duhej të bëhej më me qetësi dhe të shtyhej në kohë, sepse ishte një vendim shumë i rëndësishëm për PD-në.
“Rast i paprecedentë edhe pse PD ka pasur probleme të tilla në 32 vite. Por në një mbledhje kaq të rëndësishme ku kemi diskutuar herë me qetësi e herë me nerv, u arrit deri aty sa kërkohej menjëherë votim për votim duke i rënë tavolinës. Bardhi e Sula dolën nga mbledhja. Pas tyre ka dalë zoti Korreshi. Isha pranë derës dhe ka dëgjuar debat mes atyre që ishin në korridor, ka pasur edhe ofendime.
Askush nuk mund të thotë që nuk ka pasur ofendime e fjalë fyese ndaj deputetëve.
Një pjesë e mirë e tyre ishin demokratë dhe i kishim gjithë kohës në krah. Ishin 3-4 persona që fyenin që nuk i kisha parë, kishte edhe persona në sfond që kërcënonin.
Nuk është një situatë normale e nuk duhet të ndodhë në një parti demokratike”, tha Gështenja.
Sipas tij, Lulzim Basha deklaroi se distancohet nga ata që shkaktuan atë situatë, por por nuk e di se kush ishte qëllimi i tyre aty, sepse ishin aty për 8 orë, ishin fytyra që i shihja për herë të parë.
Discussion about this post