Teksa Rusia vazhdon sulmin ndaj Ukrainës, deputetët ukrainas kanë akuzuar forcat ruse për përdhunimin e grave mbi 60 vjeç para se t’i varin. Lesia Vasylenko, një deputete e partisë opozitare të Ukrainës Holos, ka treguar se shumë femra të moshuara kishin kryer vetëvrasje pasi ishin abuzuar seksualisht, në një përpjekje për t’i shpëtuar dhunës.
Duke folur për gazetarët në Dhomën e Komunave, Vasylenko tha se Vladimir Putin ka ndryshuar strategjinë e tij.
“Shumica e grave mbi 60 vjeç u ekzekutuan pasi u përdhunuan. Problemi kryesor është se viktimat dhe familjet nuk kanë forcën për te kundërshtuar”-tha Vasylenko.
Ajo i bëri thirrje qeverisë që të sigurojë mbështetje humanitare të synuar brenda Ukrainës, në mënyrë që viktimat të mund të marrin ndihmën e duhur.
Ajo foli përkrah tre deputetëve të tjerë; Alona Shkrum, Maria Mezentseva dhe Olena Khomenk që u larguan nga Kievi për të takuar Boris Johnson së bashku me sekretaren e Brendshme Priti Patel, Ministrin e Ministrisë së Jashtme James Cleverly, Sekretarin e Komuniteteve Michael Gove ministrin e Mbrojtjes James Heappey.
Discussion about this post