Deputeti i Partisë Demokratike, Flamur Noka e ka bërë publik prej ditësh qëndrimin në krah të liderit historik Sali Berisha, pas vendimit të Lulzim Bashës për përjashtimin e tij nga grupi parlamentar.
Duke sjellë në vëmendje disa vargje të njohura të Kiço Spirit, Noka ka ironizuar kryedemokratin Basha.
“Mora pushken dola n’mal, Të luftoja për atdhe.., Ku ta dija unë i gjori.., Se armiku ishim …Ne……,“-shkruan Noka në Facebook.
Të enjten, Lulzim Basha njoftoi se me një vendim të tijin personal ka vendosur përjashtimin nga grupi parlamentar të ish-kryeministrit Sali Berisha, deri në përfundimin e procesit gjyqësor që vetë Berisha ka hapur kundër sekretarit amerikan të shtetit, Anthony Blinken.
Ish-kryeministri Sali Berisha kundërshtoi vendimin duke e quajtur “nul” ndërsa akuzoi Bashën se ka bashkëpunuar me kryeministrin Rama për largimin e tij, duke shtuar se ka dorëzuar sovranitetin e PD pasi ka rënë pre e kërcënimeve nga SHBA.
Debati Berisha-Basha ka krijuar tensionë në PD, ku disa deputë kanë dalë hapur kundër vendimit të Bashës. Flamur Noka, Edi Paloka, Tritan Shehu e Albana Vokshi kanë përkrahur zyrtarisht ish-kryeminstrin Sali Berisha./ Gijotina.com D.L
