Për takimin e sotëm në Ohër ka folur edhe deputeti shqiptar në Kuvendin e Serbisë, Shaip Kamberi. Ai ka thënë se krijimi potencial i Asociacionit të Komunave me Shumicë Serbe në Kosovë, do të krijonte një precedent të rrezikshëm në rajon.
Kamberi tha para takimit të kryeministrit Albin Kurti dhe presidentit serb, Aleksandër Vuçiç, se çdo e drejtë që i jepet komunitetit serb në Kosovë, duhet ti jepet edhe komunitetit shqiptar në Serbi.
“Çështja e Luginës së Preshevës duhet të trajtohet, sepse precedenti i cili po tentohet të ndërtohet, duke ndërtuar një pakicë të plotfuqishme, në një pjesë të Ballkanit Perëndimorë, është një precedent i rrezikshëm për paqen dhe nuk jep garanci se marrëveshja eventuale e arritur mes dy shteteve do të krijojë një paqe të qëndrueshme”, tha Kamberi për Klan Kosova.
Discussion about this post