Deputeti i Partisë Demokratike, Dashnor Sula ka deklaruar sot në mbledhjen e Komisionit të Posaçëm të Reformës Zgjedhore se ka ardhur momenti që partitë poltike të votojnë ndryshime që i shërbejnë vendit dhe jo interesave personale.
Ai iu rikthye zgjedhjeve të vitit të kaluar, duke vënë theksin te shkelja e marrëveshjes së 5 tetorit 2020, ku në Kuvend u futën kriminelët, biznesmenët me të ardhura të dyshimta dhe të korruptuarit e administratës që bëjnë lekë në 4 vite dhe më pas blejnë mandatin.
“Do të jap votë pro që të votojnë edhe emigrantët shqiptarë kudo që janë. Këtu ka ngelur administrate që voton sipas pushtetit dhe pjesa që blihet. Ka edhe nga opozita që blenë votues në 25 prill, por ka shumë më shumë maxhoranca. Ishte 50 euro vota, shkoi 500 euro. Janë konstatime të organizatave të huaja, janë procedime penale që kanë filluar”, tha Dashnor Sula në komision.
Discussion about this post