Debatet dhe tensionet në mbledhjen e thirrur nga kryesia e Partisë Demokratike pasditen e sotme nuk kanë munguar.
Ka qenë thirrja e Helidion Bushatit për bashkim ajo që ka sjellë reagimin e anëtarit të Kryesisë së PD-së, Jemin Gjana i cili tha se një gjë e tille nuk mund të ndodhë me ata që i kanë shkarkuar.
“Jemi këtu për te mirën e PD Ne qe jemi këtu dhe ata qe nuk janë, por shpresoj te jene. Bashkimi është kryefjala e retorikes dhe e veprimit tone politik. Duhen akte konkrete për ketë. Debat konstruktiv qe objektiv te jete bashkimi, pa përjashtuar asnjë. Gjesti i pare do te ishte heqja e dyerve te blinduara. Nuk e kam unë vetëm ketë mendim. Duhet te kthehemi ne normalitet. Pa hyre ishte mire apo keq, duhet te hiqen. Hap i pare per bashkimin. Vetem te bashkuar mund te jemi konkurrues ne zgjedhjet e ardhshme, lokalet jane me te afërta”, është shprehur Bushati.
Ndërkaq Gjana ka thënë: Flasim për bashkim, ndërsa ata na thonë ju kemi shkarkuar. Nuk mund të ketë bashkim real, bashkim formal mbase edhe mund të ketë. Si do bashkohemi ne me ata. Se ti je dhe dere e madhe Bushatlinjsh.
Gjana ka propozuar që t’u kthehet vendimeve te mëparshme te 9 shtatorit, 18 nëntorit, 8 janarit. Në mbledhjen e Kryesisë të nisur prej rreth 1 ore, Gjana tha se në një moment të dytë të mendohet për negociata. Ndërkohë Alibeaj ka mohuar skenarë të tjerë që rrëzojnë ato vendime.
Discussion about this post