Deputeti i PD, Saimir Korreshi ka postuar disa foto në rrjetin social Facebook, ku siç shihet në një prej shkollave të Lushnjës, është shembur tavani, duke rrezikuar që të shkaktonte dëme më të rënda nëse fëmijët do kishin qenë të pranishëm.
Korreshi shkruan se në shkollë, nuk investohej prej viteve ’70, ndërsa akuzoi ministrinë për gjendjen e shkollës.
Postimi i plotë:
Zoti ruajti fëmijët nga tragjedia!
Pamjet e mëposhtme janë të shkollës së fshatit Golem, Bashkia Lushnje.
Tavani ka rënë gjatë orëve të para të mëngjesit kur fatmiresisht nuk kishte fëmijë!
Fotot e tjera tregojnë që kollonat dhe trarët e betonit janë duke ceduar dhe paralajmerojnë një tragjedi më të madhe.
I kanë dhënë një bojë që t’i maskojnë por vetëm sa kanë mbuluar një katastrofë urbane.
Kush ishte inspektori që ka verifikuar sigurinë e strukturës shkollore nga Bashkia Lushnjë?
Po nga ZA Lushnje ka denjuar njeri të verifikojë?
Zonja ministre jeni lajmëruar ju për këtë katrahurë?? A e dini ju se kjo shkollë ka që në vitet 70 që nuk vihet dorë??
Ky është arsimi juaj si në Europë??
Turp e faqe e zezë. Por shyqyr që ka Zot e suvatë bien natën e jo mbi kokat e femijëve.
Discussion about this post