Deputeti i Partisë Demokratike për Tropojën, Isuf Çelaj ka reaguar ndaj gjendjes katastrofike me mbetjet në Tropojë.
Ai ka postuar edhe nje video ku duket qartë situata e rëndë dhe tymi i madh që krijohet pasi digjen mbetjet. E njëjta situate është edhe në Kukës, shkruan deputeti demokrat.
Reagimi:
Këto janë pamjet sot në mëngjes ku bukuritë e Malësisë Gjakovës janë të mbuluara nga mjegulla e tymit pasi Bashkia aplikon po thuajse çdo vit në landfilldin e depozitimit të mbeturinave!
Janë me dhjetëra qytetarë që me shkruajnë me shumë shqetësim ku më thonë sot është e pamundur që të rrish në qytet e rrethina.
E njëjta metodë rilindase për trajtimin e mbetjeve si ajo e Bashkisë Kukës me djegie duke u shkatërruar shëndetin qytetarëve dhe njëkohësisht edhe bukurive që Zoti e natyra u ka falur këtyre zonave!
Atëherë propaganda për turizëm malor të fuqishëm vazhdon!
Thirrja ime shkon për institucionet përgjegjëse si Bashkia,Prefektura, Qarku e Ministria e Infrastrukturës që të lënë propagandën, por të marrin masa urgjente për zgjidhjen e këtij problemi kaq madhor për shëndetin e jetën e banorëve të Tropojës e Kukësit!
Discussion about this post