Një deklaratë të pazakontë ka bërë deputeti i Partisë Demokratike, Edmond Spaho në Komisionin e Ekonomisë dhe Financave, ku ka vlerësuar punën e bërë nga Bashkia Tiranë sa i takon çështjes së pastrimit të qytetit.
Në komisionin ku ishin pjesë përfaqësuesit e Shoqatës së Bashkisë, pasi po diskutohej për buxhetin e vitin 2022, Spaho vlerësoi pastrimin që i është bërë Tiranës, ndërsa shtroi dhe një pyetje.
“Unë një pyetje kam për zotin Veliaj, paraprakisht dua të them që ka përmirësim në pastrimin e Tiranës, është i dukshëm, desha të dija nëse kompanitë e pastrimit do të investojnë në teknologji, pluhuri që gjendet anës rrugëve duhet të presësh motin që të lahet, a ka ardhur koha që të hiqet fshesa në ato zona ku mund të hiqet?”, tha Spaho gjatë fjalës së tij.
Ndryshe nga kolegët e tjerë të tij, Spaho nuk i kurseu vlerësimet, ndërsa duhet thënë se deklarata të tilla për deputetët e kampit tjetër politik janë mjaft të radha.
Discussion about this post