Deputeti shqiptar në Parlamentin e Serbisë, Shaip Kamberi, që përfaqëson Luginën e Preshevës, ka folur sot nga Shkodra për atë që ai e quan “shtypja e shqiptarëve në Serbi nga regjimi i Presidentit Vuçiç dhe pozitën e vështirë të shqiptarëve atje.
Deputeti ka komentuar dhe nismën e Open Balkan, ku është shprehur se kjo nismë nuk mund të vazhdojë, përsa kohë Kosova është e përjashtuar.
Deputeti Kamberi ka deklaruar se Vuçiç shfaqet me dy standarde ku nga njera anë bën si paqësor i Ballkanit, por nga ana tjetër thotë se serbët kanë lidhje te forta me Kinen e Rusine, si dhe tenton shpopullimin e shqiptareve qe jetojne ne Luginen e Presheves.
Sipas tij, duhet më shumë mbështetje nga qeveritë e Shqipërisë dhe Kosovës.
“Lugina e Preshevës përballet me diskriminim të Serbisë. Kemi detyruar Beogradin të nënshkruajë 3 marrëveshje.
Problem është mos-njohja e diplomave te rinjve. Sjelljet e Ramës: Vuçiç luan rolin e paqëruajtësit. Bota serbe dhe ballkani i hapur janë në kundërshtim me njëri tjetrin. Serbia po cenon paqen.
Nuk mund të shkojmë në bashkëpunim nëse përjashtohet pjesa më e madhe e ballkanit. Të zhgënjyer me administratën në Bruksel, që nuk ka mekanizma te detyrojë Serbinë të zbatoëe marrëveshjet.
Lista serbe ne Kosovë janë marioneta të Vuçiç, për të destabilizuar situatën në Kosovë; – u shpreh deputeti Kamberi.
