Deputetja e Lidhjes Demokratike të Kosovës, Doarsa Kica-Xhelili, ka reaguar në lidhje me fjalinë në hyrje të propozimit evropian, ku thuhet “të tejkalojmë trashëgiminë e të kaluarës”.
Kica-Xhelili përmes një shkrimi në llogarinë e saj në Facebook, ka thënë se kjo pjesë, po e falë Serbinë për vrasjet, dhunimet, shkatërrimet dhe të pagjeturit.
“Nuk paragjykohet statusi” – thotë në vazhdim. Pra, u rihap statusi i Kosovës të cilën GJND e vulosi si të mbyllur.” – shkruan tutje ajo.
Deputetja e LDK-së në shkrimin e saj ka folur edhe për nenin 7 dhe nenin 10, ku flitet për Asociacionin.
Në fund, ajo ka shkruar: “Nga dje, nuk ka më agresor në tavolinë me BE-në. Serbia u rrëfye, dhe u fal.”.
Postimi i plotë:
“Ta tejkalojmë trashëgiminë e të kaluarës” – thotë marrëveshja në hyrje të saj.
Pra, e falë Serbinë. Ja fal vrasjet, dhunimet, shkatërrimet dhe të pagjeturit. Janë pajtuar të harrojnë!
“Nuk paragjykohet statusi” – thotë në vazhdim. Pra, u rihap statusi i Kosovës të cilën GJND e vulosi si të mbyllur.
Neni 7, flet për njëetnicitet të serbëve në vet-menaxhim. NJËETNICITET. Përtej Asociacionit, kanë dhënë Autonomi shtesë një-etnike.
Neni 10, flet për zbatim të të gjitha marrëveshjeve të kaluara. Por, tanimë Asociacionit në përputhje me Vendim të Gjykatës Kushtetuese, iu bashkangjit Neni 7.
Nga dje, nuk ka më agresor në tavolinë me BE-në. Serbia u rrëfye, dhe u fal.
Discussion about this post