Deputetja e LSI-së Erisa Xhixho ka reaguar për abuzimin e 6-vjeçares nga babai i saj, lajm i cili tronditi opinionin publik.
Nëpërmjet një statusi në rrjetin social “Facebook”, Xhixho shprehet se ngjarja është shokuese dhe se raste të tilla duhet trajtuar me seriozitet, ndërsa ka kujtuar edhe rastin e rëndë të përdhunimit që në moshën 12-vjeçare të një tjetër vajze në jug të vendit nga një familjar mbi 50-vjeçar.
“Raste të tilla, fatkeqësisht jo të izoluara duhen trajtuar siç duhet. Dhuna ndaj fëmijëve e grave sipas studimit 10-vjeçar të CRCA/ECPAT Shqipëri “Krimet Seksuale ndaj Fëmijëve dhe Grave në Shqipëri”, gjeti se të paktën 65% e krimeve seksuale kryen ndaj fëmijëve, përgjithësisht fëmijë vajza”, shkruan ajo.
Po ashtu njofton se ka dorëzuar në Kuvend projekt-ligjin për Regjistrin e Krimeve Seksuale ne bashkëpunim me CRCA/ECPAT Shqipëri, ndërsa thekson se miratimi i tij zgjidh një herë e mirë regjistrimin e çdo grabitqari seksual dhe mbrojtjen e femijëve e grave nga dhuna seksuale!
Discussion about this post