Deputetja e Partisë Socialiste Blerina Gjylameti tha në emisionin Barometri në Euronews Albania se Partia Socialiste është përballë një lloj llogaridhënieje dhe në fushatë të vazhdueshme.
Gjylameti u doli në mbrojtje patronazhistëve dhe aktivistëve të PS, duke i cilësuar si me metoda organizimi që përdoren në të gjithë botën.
“Ka qenë një nga precedentët më të rëndë djegia e mandateve, më tej mos hyrja në zgjedhje. Forcat politike duhet të përballen me alternativa, kjo s’i shërben askujt. Dua ta sqaroj që patronazhist, aktivisti janë mënyra organizmi në të gjithë botën.
Kur flitet në raportet e OSBE flitet për cenim të të dhënave personale jo mekanizmin e organizmit të brendshëm të partisë, që përdoren edhe në SHBA që është vendi më demokratik në botë. Këto që bën opozita janë artifica si të justifikojnë humbjen e radhës”, tha Gjylameti.
Discussion about this post