Gazeta austriake “Der Standard” ka ironizuar dhe ka nxjerr blof krybashkiakun e Tiranës, Erion Veliaj, për deklaratat e tij se Tirana është qyteti i rinisë. “Der Standard” ka publikuar një reportazh të gjatë me titull “Tiranës, kryeqytetit të rinisë, po i ikën rinia”, ku flitet për kryeqyteti dhe zbardhen hapur të gjitha paradokset e këtij qyteti, që bien ndeshe me deklaratat e Veliajt për propagandë. Pikërisht këto deklarata janë marrë dhe janë ironizuar nga gazetarja e kësaj medie, Antonia Roth, e cila përmes një reportazhi, përshkruan se e vërteta, qëndron shumë më larg. Sipas saj, gjenerata e re e do integrimin evropian, por udhëheqja politike nuk e çon vendin para. Që në krye te artikullit, përshkruhet Piramida, e cila pritet të kthehet në qendër rinore, por që dikur, mbaheshin homazhet e diktatorit Enver Hoxha.
Që në hyrje të artikullit evidentohet emigracioni i të rinjve si një plagë e shoqërisë, mungesa e perspektives, udhëheqja e dobët politike, dhe anëtarësimi në BE, që ka ngecur në vend.
“Të thuash se ‘Piramida’ në bulevardin e madh të Tiranës, “Dëshmorët e Kombit”, ngrihet me krenari aty, do të jepte përshtypjen e gabuar. Më shumë duket sikur godina e çuditshme prej betoni, e cila fillimisht kishte për qëllim të shërbente për homazhe për diktatorin e vdekur, Enver Hoxha, po përpiqet që të fshihet mes godinave qeveritare në rrugën kryesore të metropolit shqiptar”, citohet në botim.
Gazetarja e kësaj media thotë se rinjtë po largohen pasi mungon perspektiva, ndërsa anëtarësimi në BE ka ngecur në vend. “Në vend ka mungesë perspektive: Shqipëria është një nga vendet më të varfra në Evropë, të ardhurat mesatare mujore në vitin 2020 ishin rreth 430 euro. Një pagë minimale me ligj ka ekzistuar vetëm për një vit- ajo është e barabartë me 245 euro. Përveç kësaj, procesi i anëtarësimit në BE ka ngecur kohët e fundit. Shqipëria aplikoi për anëtarësim në BE në vitin 2009 dhe është vend kandidat që nga viti 2014.”, shprehet ajo.
Ku për fatin e keq të Erion Veliajt që doli zbuluar dhe për fatin tonë të keq që po përjetojmë këtë realitet, u tregua se Tirana është qyteti i paradokseve dhe korrupsionit.
Discussion about this post