“Luftë” dhe spektakël! Nga derbi në ‘Air Albania’, te përplasja në Elbasan për kreun e Superiores

Java e 33-të në Abissnet Superiore do të çelë siparin mbrëmjen e sotme me derbin e kryeqytetit mes Tiranës dhe Partizanit. Të dyja skuadrat do të masin forcat përballë njëra-tjetrës në stadiumin “Air Albania”, me sfidën që pritet të nisë në orën 19:00.

Kjo sfidë do të pasohet nga dy duele të tjera që do të luhen të dielën, ku fillimisht në orën 16:00 Bylisi do të presë në Ballsh Teutën, ndërsa tre orë më vonë në Rrogozhinë Egnatia mat forcat me Vorën.

E hëna mbyll dhe llogaritë e kësaj jave, ku do të spikasë përplasja e fortë për kreun në stadiumin “Elbasan Arena” mes Elbasanit dhe Vllaznisë, duel që do të nisë në të njëjtën fashë orare, paralelisht me duelin mes Flamurtarit dhe Dinamos në Vlorë.