Ndeshja e fundit e Superligës për këtë vit rezervon një spektakël të vërtetë. Partizani do të ndeshet me Tiranën në orën 19:45 në ‘Air Albania’ për takimin e javës së 15 të Superligës.
Duke folur në konferencën për mediat në prag të derbit, mbrojtësi Egzon Belica, i cili do të rikthehet në urdhrat e trajnerit Ilir Daja dhe do mbajë shiritin e kapitenin u shpreh se pavarësisht sulmit të Tiranës mbrojtja do të jetë e lartë dhe do tentohet për fitore.
“Nuk është derbi i parë si kampion. Kemi fituar me Hebajn 2-1 kur kam qenë. Albani është kapiteni, është pjesë e ekipit. Shpresojmë të nisim të fitojmë në vazhdimësi, duke nisur nga derbi e për të vijuar vitin tjetër. Nesër shpresoj që të gjithë të jemi në lartësinë e duhur, të mbrohemi mirë dhe pastaj të sulmojmë të gjithë së bashku. Ka presion, pavarësisht nëse është derbi apo jo. Kush e menaxhon presionin më mirë arrin te fitorja në derbi. Pa marrë parasysh me çfarë sulmi luan Tirana, ne do mundohemi të paraqitemi sa më mirë. Ne ndjekim udhëzimet e profesorit, pavarësisht modulit. Nesër tifozët tanë do të jenë më të shumtë në numër dhe shpresojmë të na mbështesin”, -theksoi ai./K.T/Gijotian.com
Discussion about this post