Nuk ka fitues në derbin e kryeqytetit që u zhvillua në “Elbasan Arena” mes Dinamos dhe Partizanit. Të dy skuadrat u ndanë në “paqe” mes tyre duke mos arritur asnjëra të marrë pikët e plota. Dinamo në përballjen kundër demave kërkonte pikët e “shpëtimit” në garën për mbijetesë, ndërsa të kuqtë kërkonin europën.
Në një stadium thuajse të boshatisur, me derbin e kryeqytetit të zhvendosur në Elbasan, skuadrat në fushë dhuruan pak emocione. Raste ishin me pikatore dhe momenti më emocionues i sfidës ishte ai në minutat e fundit kur Jorgji dha të kuq për Muratajn dhe penallti, me vendimin e dytë që u kthye nga VAR-i.
Shumë pak për një derbi dhe për dy skuadra që kanë nisur sezonin me pretendime të mëdha, e tashmë e shohin veten jashtëzakonisht larg tyre.
DINAMO-PARTIZANI 0-0
Discussion about this post