Po luhet në këto momente derbi i kryeqytetit ndërmjet skuadrës së Tiranës dhe Partizanit. Pjesa e parë ka folur për bardheblutë të cilët e kanë kërkuar më shumë golin e avantazhit se sa miqtë të cilët janë rreshtuar mirë në mbrojtje. Partizani tentoi të shënonte në minutën e 9′ me Murataj por goditja ishte e pasaktë. Në të 15′ minutë, bardheblutë tentuan në tre momente radhazi të ndëshkonin Partizanin por tentativat nuk shkuan në rrjetë.
Tirana e administroi më mirë lojën por nuk gjeti hapësira të mjaftueshme tek prapavija e Partizanit që mbrohet me pesë mbrojtësa në këtë sfidë. Në minutën e 44, gjyqtari Eldorian Hamiti u konsultua tek VAR për një episod por që lejoi ndeshjen të luhet.
Në minutën e 48′ Tirana pretendoi për një penallti por gjyqtari nuk konsistoi në faull. Një minutë më pas lojtarët u konfrontuan ndërmjet tyre. Zhunios shkelmon Behiratçen dhe ndërmjet futbollistëve ka përplasje fizike. Pas këtij episodi gjyqtari shkoi tek VAR për të marrë një vendim për pretendimin e Tiranës ku akordoi një penallti që u shndërrua në gol nga Vesel Limaj, duke i dhënë bardhebluve avantazhin e pjesës së parë.
