Tirana triumfoi në derbi kundër Partizanit me rezultatin 2-0 dhe tashmë ngjitet në vendin e dytë me një pikë më pak se të kuqtë. Bardheblutë kanë një hero dhe lider, sulmuesin Redon Xhixha.
Futbollisti kurbinas ishte protagonist absolut, fillimisht negativ me një penallti të humbur në mesin e pjesës së parë. Rexhepi e ndali, por në shtesën e pjesës së parë i bëri edhe një dhuratë.
Portieri i “Demave” doli huq dhe më pas Xhixha nuk fali, duke shënuar dhe duke e çuar Tiranën në dhomat e zhveshjes në avantazh. Në ato momente bardheblutë ishin me një lojtar më pak, pasi Lulaj doli me të kuq.
Partizani u mundua shumë që të shënonte golin e barazimit, por Xhixha ia “fiku” shpresat me një gol pas një sprinti në gati 75 metra. Sulmuesi mposhti Rexhepin dhe festa ishte e gjitha bardheblu.
PARTIZANI-TIRANA 0-2
XHIXHA 45+1’, 69’
Discussion about this post