Sot në orën 18:30 në Seria A mund të shohim derbi shqiptarësh në ndeshjen Torino-Empoli, e vlefshme për raundin e 15.
Ende nuk dihet nëse Torino do i besojë minuta portierit shqiptar Etrit Berishës, por e sigurt është që te Empoli diferencën pritet ta bëjnë lojtarët ‘Kuqezi’.
Nedim Bajrami, Ardian Ismajli dhe Kristjan Asllani kanë treguar se janë shumë të rëndësishëm te skuadra e tyre dhe në çdo moment që luajnë bëjnë diferencën, megjithatë ende nuk dihet nëse ndonjërit prej tyre do i besohet vendi i titullarit.
Aktualisht Torino renditet në vend të 13 me 17 pikë, ndërsa Empoli qëndron në vend të 11 me 19 pikë.
Ndërsa në orën 20:45 skuadra e Lazios do të përballet me Udinesen, teksa as këtu nuk dihet nëse Elseid Hysaj, Thomas Strakosha apo Vedat Muriqi, ky i fundit i cili pritet të largohet nga italianët në janar, të luajnë sonte.
Aktualisht Lazio renditet në vendin e 9 të tabelës së Seria A me 21 pikë, ndërsa Udinese është e 14 me 15 pikë./K.T/Gijotina.com
Discussion about this post