Interi triumfoi ndaj Empolit me rezultatin 3 me 1 ku titullarë u aktivizuan dy futbollistët e Kombëtares, Kristjan Asllani dhe Ardian Ismajli.
Mesfushori i Interit, spikati në këtë duel, duke u shndërruar në protagonist absolut.
Asllani asistoi për golin e dytë të shënuar nga Dumfris, teksa u vlerësua me notën 8.4 nga faqja e specializuar e statistikave “Sofa Score”, duke u zgjedhur edhe lojtari më i vlerësuar me notë i ndeshjes në baze të vlerësimeve, pavarësisht se MVP e mori Lautaro Martinez.
Asllani e preku 105 herë topin ndërkohë që regjistroi 74 pasime të sakta, fitoi 7 duele me kundërshtarët si dhe shërbeu 8 topa të gjatë të saktë.
Gjithashtu mesfushori shqiptar regjistroi dhe 3 pasime kyçe.
Ndërkohë në krahun tjetër Ismajli u vlerësua me notën 6.6 në këtë përballje.
Discussion about this post