PSG dhe Lyon do të luajnë këtë të dielë në ndeshjen e derbit të vlefshme për javën e gjashtë në Ligue 1.
Kryeqytetasit janë pritës të Lyonit në ndeshjen e cila pritet të zhvillohet në ‘Parc des Princes’ nga ora 20:45, ku ekipi i Mauricio Pochettinos vjen nga pesë fitore të njëpasnjëshme dhe synon edhe fitoren e gjashtë në këtë fillim sezoni.
Në anën tjetër, Lyoni nuk e nisi mirë me dy barazime dhe një humbje, por ka fituar dy ndeshjet e fundit dhe synon ta vazhdojë serinë pozitive.
Trajnerët e të dyja skuadrave kanë mungesa të theksuara si Sergio Ramos dhe Marco Verratti te vendasit dhe Leo Dubois dhe Moussa Dembele te miqtë e Lyon.
Megjithatë, trajnerët pritet të luajnë me formacionet më të mira të mundshme, ku te PSG nga minuta e parë do të luajnë Lionel Messi dhe Neymar, ndërsa te Lyoni titullar pritet të jetë ylli shqiptar i sapoafruar, Xherdan Shaqiri.
PSG: Donnarumma; Hakimi, Marquinhos, Kimpembe, Mendes; Gueye, Herrera; Di Maria, Messi, Neymar; Icardi
Lyon: Lopes; Gusto, Silva, Denayer, Emerson; Guimaraes, Caqueret; Shaqiri, Paqueta, Aouar; Ekambi
