Këtë të hënë në orën 19:45 në ‘Air Albania’ do të zhvillohet ndeshja e javë së 13 të Superligës mes Partizanit dhe Dinamos.
Ditën e sotme ‘Të kuqtë’ e kryeqytetit kanë bërë publike çmimet e biletave për këtë derbi dhe ajo që bie në sy është fakti se janë më të ulëta se zakonisht.
Në postimin e bërë publik nga faqja zyrtare e Partizanit në rrjetet sociale bëhet me dije se bileta më e lirë do të jetë 300 lekë, teksa më e shtrenjta do kushtojë 2000 lekë.
“Tribuna qendrore: W101, W102, W103, W104 W105, W106, W107 do të kushtojnë 2 000 Lek (të reja) Biletat në tribunat përballë: Sektorët: E104, E105, E106, do të kushtojnë 1000 Lek (të reja) Biletat në tribunat pas porte: Sektorët: N101, N102, N103, N104, N105, V101 V102, V103 do të kushtojnë 300 Lek (të reja) Sektorët e rezervuar për tifozerinë mike do të jenë: W105, W106, W107, V101, V102, V103”-shkruhet në postimin e ‘Demave’.
Teksa më tej shtohet se shitja e tyre do të fillojë nga dita e sotme në biletarinë pranë ‘Selman Stërmasit’.
“Biletat do të mund ti siguroni duke filluar nga dita e sotme e në vazhdim ora 10:00 deri 18:00 në pikën e shitjes, pranë stadiumit ‘Selman Stërmasi’”-shkruhet më tej./K.T/Gijotina.com
Discussion about this post