Pas pushimit prej ndeshjeve kualifikuese të Botërorit ‘Katar 2022’ të kombëtareve rikthehen sot takimet e kampionateve vendase.
Në Premier League mund të kemi derbi shqiptarësh në ndeshjen e Norwich me Southampton. Ekipi i sulmuesit të përfaqësueses së Kosovës, Milot Rashicës do të presë në orën 16:00 skuadrën e talentit të Shqipërisë, Armando Brojës për takimin e raundit të 12.
‘Kanarinat’ vuajnë mungesën e rezultateve dhe renditen në vend të fundit të tabelës së kampionatit anglez me vetëm 5 pikë, ndërsa Southampton qëndron në pozicionin e 13 me 14 pikë të mbledhura deri më tani.
Të dy sulmuesit shqiptarë si Rashica që ka qenë titullar i padiskutueshëm që nga fillimi i kampionatit, ashtu edhe Broja që e fitoi këtë pozicion te ekipi i tij më vonë pritet ta nisin këtë ndeshje që nga minuta e parë.
Rikujtojmë se trajneri i Southampton, Hasenhuttl njoftoi se Broja e ka kaluar dëmtimin dhe është i gatshëm që të luajë, ndaj sot vendi i titullarit pritet t’i besohet talentit ‘Kuqezi’./K.T/Gijotina.com
Discussion about this post