Mbi 70 kg marijuanë u sekuestrua nga policia greke mesditën e sotme në rrugën “Egnatia” në hyrje të Janinës, në një automjet që kishte hyrë në territorin grek nga Shqipëria.
Lënga narkotike me peshë totale 70.4 kg e llojit marijuanë ishte e ndarë në 64 pako.
Policia greke ka arrestuar drejtuesin e automjetit, por nuk jepen të dhëna për shtetësinë e tij dhe moshën.
Operacioni është zhvilluar pas një informacioni të siguruar nga antidroga e Patras për lëvizjen e një sasie droge nga kufiri I gjelbër mes Shqipërisë dhe Greqisë.
Policia greke bën me dije se çmimi i marijuanës në Greqi është rritur e tashmë varion nga 2000-3000 euro/kg.
Prej fillimi të vitit policia greke ka sekuestruar mbi 1.2 ton marijuanë që dyshohet se vinte nga Shqipëria.
Discussion about this post