Është përkeqësuar gjendja e njërit prej grevistëve të Lumasit. Raportohet se Ylmi Shuaipi ka shfaqur shqetësime dhe është dërguar drejt spitalit rajonal Berat. Ai ka shfaqur probleme me tensionin, ndërsa mjekët ia kanë ndaluar që të qëndrojë në grevë.
Sakaq, pesë banorë të fshatit Lumas vijonë prej gjashtë ditësh grevën e urisë. Ata janë ngujuar në një godinë, ndërsa janë shprehur të bindur se nuk do të ndalen deri në plotësimin e kërkesave të tyre. Nga ana tjetër banorët e fshatit kanë vijuar protestën për pezullimin e punimeve në burimin e Sinecit, ndërsa ka pasur vazhdimisht përplasje mes tyre, policisë dhe punonjësve të firmës.
