Prokuroria e Tiranës dërgon për gjykim Tire Alldervishin, ish-sanitaren e spitalit Shefqet Ndroqi.
Për gjykim çohen edhe Mira Bushi, Sheqerie Koci, Sidorela Çela, Erjola Jazxhi si dhe Gjylbra Halilaj, infermiere të këtij spitali, për akuzat e shpërdorimit te detyrës dhe mashtrimit. Po ashtu për gjykim është çuar edhe kolegia e Alldervishit, sanitarja, Rukie Hoxhaj, për akuzat e shpërdorimit të detyrës dhe mashtrimit.
Alldervishi, ishte sanitare në spitalin COVID 2, u arrestua pas denoncimit nga vajza e një pacienteje të shtruar me COVID-19, të cilës i kishte marrë një shumë prej 8 milionë lekësh duke u hequr si infermiere në këmbim të shërbimit ndaj saj. Pacientja ndërroi jetë nga COVID-19 dhe nga bisedat me të bijën është zbuluar trajtimi çnjerëzor.
