Vajza e ish-Presidentit të SHBA-së, Ivanka Trump ka njoftuar ditën e sotme se ka dërguar ndihma humanitare në Kiev, Sumy dhe Lvov.
Ivanka e ka konfirmuar këtë ndihmë nëpërmjet një postimi në rrjetin e saj social Instagram, ku shton se janë shpërndarë 1 milionë vakte ushqimore.
Vajza e Trump bënë me dije se shpreson se me këto vakte, do të jenë një burim i vogël ngushëllimi dhe ushqimi për ukrainasit që sipas saj po vuajnë padrejtësisht nga pushtimi rus.
“Gjatë ditëve të fundit, ne u kemi shpërndarë 1 milion vakte ukrainasve në Kiev, Lviv dhe Sumy. Faleminderit pastorëve, rabinëve dhe shoferëve të kamionëve që po rrezikojnë jetën e tyre për t’ua sjellë këtë ushqim atyre në nevojë. Me këto vakte, ne shpresojmë të ofrojmë një burim të vogël ngushëllimi dhe ushqimi për ukrainasit që po vuajnë kaq padrejtësisht nga pushtimi rus i vendit të tyre. Për popullin e Ukrainës ju jeni në zemrat tona, jeni në lutjet tona dhe guximi juaj përballë dhunës dhe vështirësive është një frymëzim. Zoti ju bekoftë në luftën tuaj heroike për të mbrojtur vendin dhe lirinë tuaj.”
Discussion about this post