Sezoni veror ka nisur zyrtarisht e bashkë me të edhe sezoni i punës për artistët shqiptar. Pas 2 vitesh që artistët thuajse qëndruan pushim prej pandemisë, kjo verë është totalisht e prenotuar për ta.
Por duket se rritja e çmimeve, ka prekur edhe artistët. Madje ka edhe nga ata që brenda një dite kanë deri në 3 koncerte dhe marrin shuma marramendëse deri në 12 mijë euro.
Këto shifra u komentuan ditën e sotme në emisionin “Shqipëria Live” ku në lidhje të drejtpërdrejtë ishte gazetari i njohur, Flavio Qarri, i cili tha se ato çmime nuk janë reale.
“Janë shifra që përpiqen t’i nxjerrin vetë që të rrisin pazarin e tyre, disa për koncerte disa për arsye të tjera. Nuk përputhen më çmimin e biletave, me pjesëmarrësit në klube”, tha Qarri.
Sipas tij, vëllezërit Veshaj me aq këngë që kanë nuk mund të fitojnë aq sa thuhet.
“Janë në momentin e tyre, janë shifra të frikshme për një vend, lokal. 5 mijë eruo janë maksimumi që mund të fitojnë. Këtu në Shqipëri as 10 euro nuk shkon bileta. Supozohet që lokali t’i nxjerrë lekët me pije. Do doja shumë që artistët shqiptarë të marrin miliona, që të bëjnë klipe apo tekste më të mira”, tha gazetari i njohur.
Discussion about this post