Policia e shtetit ka vijuar kontrollet në rrugë për të ndëshkuar shoferët e pabindur. Sipas policisë Rrugore, gjatë 24 orëve të fundit, janë pezulluar 39 leje drejtimi për shpejtësi që varionin nga 98 km/h në qendrat e banuara, deri në 163 km/h në rrugët interurbane.
Si dhe janë vendosur 261 masa administrative nga 6.000 deri në 12.000 lekë të rinj, për shpejtësi që varionin deri në 127 km/h, në rrugët interurbane ku shpejtësia e lejuar është 90 km/h.
Po ashtu 312 masa u vendosën për parakalime të gabuara dhe 221 masa të tjera për përdorim të aparatit celular, 87 për mospërdorim të kaskës mbrojtëse, ndërsa janë arrestuar 9 drejtues nga të cilët, 6 për drejtim mjeti në gjendje të dehur dhe 3 për drejtim mjeti pa la leje drejtimi.
