Presidenti i SHBA-së, Donald Trump, deklaroi se homologu i tij kinez, Xi Jinping, “di pasojat” në rast se ky i fundit sulmon ushtarakisht Tajvanin, pa sqaruar megjithatë nëse Uashingtoni do të ndërhynte ushtarakisht për mbrojtjen e ishullit në Lindjen e Largët.
Në një intervistë për programin “60 Minutes” të CBS, e transmetuar pjesërisht ditën e sotme, Trump tha se çështja e Tajvanit “nuk u ngrit fare” gjatë takimit të tij me Xi në Korenë e Jugut, takimi i parë ballë për ballë i dy udhëheqësve pas gjashtë vjetësh.
Kur u pyet nëse do të urdhëronte forcat amerikane të vepronin në rast sulmi kinez, Trump u përgjigj: “Do ta mësoni nëse ndodh. Ai e di përgjigjen”. Presidenti amerikan shmangu sqarime të mëtejshme, duke thënë vetëm: “Nuk mund t’i zbuloj sekretet e mia. Tjetra palë e di”.
Sipas Trump, Xi dhe bashkëpunëtorët e tij të afërt kanë deklaruar “hapur” se “nuk do të bënin asgjë ndërsa unë jam president”, sepse, siç tha, “janë të vetëdijshëm për pasojat”.
Discussion about this post