Këshilltari ligjor i Presidencës, Bledar Dervishaj u shpreh për mediat se presidenti Ilir Meta po shqyrton mundësinë të dërgojë padi në prokurori lidhur me çështjen e shkarkimit të tij nga parlamenti.
Pas përfundimit të seancës në Kushtetuese, Dervishaj tha se padia do të dërgohet lidhur me pretendimet e palës mbrojtëse për manipulim të provës shkresore të Kuvendit e datës 4 shkurt 2021.
“Kuvendi kishte për qëllim të rrëzoheshin pretendimet e kreut të shtetit. Kur ndodh nga kuvendi në një proces me kaq rëndësi që nuk duhej të ndodhte, imagjino se ç’duhet të mendojmë ne shqiptarët shqiptarët për organet fundore që trajtojnë pronën. Presidenti po shqyrton mundësinë që t’i drejtohet prokurorisë për këtë çështje. Të fillojë një procedurë hetimore parlamentare për këtë gjë. Gjykata duhet të marrë vendim bazuar në kushtetutë dhe ligj. Padia? Për manipulim të provës shkresore të kuvendit e datës 4 shkurt 2021″, deklaroi Dervishaj.
Gjykata Kushtetuese konfirmoi pas 3 orësh seancë se do të shpallë vendimin për shkarkimin ose jo të presidentit Ilir Meta nga Kuvendi brenda 30 ditëve.
Discussion about this post