Franca do të debutojë nesër në Botërorin e Katarit në orën 20:00 përballë Australisë.
Gjelat do të synojnë të mbrojnë fronin si kampion bote dhe për këtë trajneri Deschamps është i sigurt në konferencën e shtypit:
“Nuk ka asnjë presion apo frikë nga dëmtimet. E njoh grupin dhe kemi bërë gjithçka për të siguruar që ata të jenë në formën më të mirë për këtë ndeshje të rëndësishme por jo decisive. Mbrojtja e titullit? Franca do të mbrojë titullin. Ne do jemi aty por tani mendojmë për Australinë.”
Gjuajtësit e penalltive – Do e shihni nesër, kemi alternativa të ndryshme. Ka një hierarki në skuadër që mund të ndryshohet.
Mungesa e liderit – Lidershipi nuk është thjeshtë një fjalë. Ka lojtarë të ndryshëm në gjendje të stimulojnë dhomat e zhveshjes, çdo gjë vjen me eksperiencën.
Roli i Mbappe – Ai është i ri por këto 4 vite kanë bërë që ai të rritet akoma më shumë. Është pjesë e ekipit dhe ne kemi nevojë për të.
Varane dhe Camavinga – S’ka shqetësime, ata do të jenë të gatshëm dhe do të luajnë nesër.
Katër sulmues – Varet nga forma dhe balanca. Nëse kemi mbajtje të topit nuk është problem por është një çështje organizimi loje.
S’ka zëvëndësues për Benzema – Është vendimi im, jam i bindur se ky grup me 25 lojtarë është i fortë dhe kemi shumë zëvëndësues. Me këto lojtarë kemi të gjithë opsionet në rregull.
Pikëpyejet për Giroud – Në Francë thonë se urrehet? Ne e duam atë. Ai është pjesë e grupit, një sulmues shumë i vlefshëm. Bashkë me Mbappe do të udhëheqin në sulm.
E ardhmja – E shoh presidentin Le Graet rregullisht por nuk kemi diskuatuar për objektivat. Si çdo skuadër kemi shqetësimet tona por duhet të vazhdojmë përpara. Lojtarët tanë janë gati për atë që na pret.
Discussion about this post