Nuk ka njeri në Argjentinë që të mos ëndërrojë që Lionel Messi të ngrejë trofeun e Kupës së Botës të dielën në Doha.
Të rinj, të moshuar dhe madje edhe foshnja kanë veshur fanellën e Lionel Messit dhe presin ta shohin atë të ngre Kupën e 3-të të Botës për Argjentinën.
Një tjetër rast që sjellin mediat vendase atje ishte mësuesja e parë e Lionel Messit. Monica Domina ishte mësuesja e tij e parë deri në klasën e katërt në Las Heras në Rosario dhe donte t’i dërgonte një letër nxënësit të saj të vjetër.
Deklarata
“Para se të vdes do të doja të të përqafoja”, tha mësuesja për mediat, e cila ka një problem me zemrën. Në letrën e saj, ajo falënderoi Messin që mbeti i njëjti njeri dhe e ftoi që t’ia sjellë trofeun Argjentinës.
Gruaja foli edhe në emisionin “Super Deportivo Radio” ku theksoi: “Tashmë na kanë bërë të lumtur, por ne duam të shkojmë deri në fund. Paç fat. Ne Të duam ty”. Para disa vitesh Messi e ka përmendur në një intervistë dhe e ka lumturuar, por do të donte ta shihte edhe personalisht.
“Kam ardhur të të shoh Monica. Do të ishte gjëja më e bukur që mund të më ndodhte. Kjo është ëndrra ime. Shpresoj që të ndodhë” – vuri në dukje ai.
Mësuesja e Messit bëri edhe një parashikim për finalen: “E di se çfarë do të ndodhë me të dhe se do të fitojë Botërorin. Atëherë ai mund të thoshte se është më i miri në botë. Deri më tani nuk e ka thënë kurrë. Unë edhe kur fle shoh këtë foto të Lionel-it”.
Discussion about this post