Real Madrid akoma nuk është dorëzuar përsa i përket blerjes së Harry Kane, edhe pse nuk do të jetë një operacion i lehtë. Sulmuesi i Tottenhamit, nga ana e tij, duket se ka vendosur për të ardhmen e tij, por ka disa çështje që e kanë vënë në dyshim të ardhmen e tij.
Është një periudhë historike për Real Madridin në tregun e transferimeve. Në fakt, nuk përjashtohet një investim prej qindra miliona eurosh në javët në vijim, largimet e Asensio-s dhe Benzema-s kanë përfunduar duke precipituar gjithçka.
Për këtë arsye, bordi i klubit mbretëror është i vetëdijshëm për nevojën për të përforcuar skuadrën me emra të mëdhenj, rrethanë që do të sillte një shpenzim të madh. Një nga emrat që tingëllon më i fuqishëm është pikërisht ai i britanikut Harry Kane.
Sulmuesi është opsioni numër një i Real Madridit për pozicionin ‘numrit 9’. Ditët e fundit, klubi ka nisur të lëvizë dhe të intensifikojë kontaktet me Tottenhamin dhe me lojtarin.
Harry Kane do të donte të luante për Madridin, është klubi i ëndrrave të tij, më i madhi, por ai nuk kënaqet aq shumë duke luajtur në LaLiga, sepse e kupton që Kampionati i vendlindjes së tij është “pa dyshim më i miri”. Ky është një nga shqetësimet që sulmuesi ka shprehur për rrethin e tij të ngushtë.
Për më tepër, fakti që mund të thyejë rekordin historik të golave në Angli e shtyn të mendojë se do të donte të kalonte Alan Shearer.
Pavarësisht këtyre detajeve, Harry është i gatshëm të heqë dorë si nga Premieri ashtu edhe nga objektivat e tij personalë, për të nënshkruar me Real Madridin, ‘klubin e vërtetë të ëndrrave’, siç thotë ai vetë. Prandaj priten javë shumë intensive në lidhje me këtë operacion. Tottenhami i Daniel Levy nuk do ta bëjë të lehtë tratativën.
Real Madrid ka vendosur të sjellë një zëvendësues të denjë për Karim Benzema, ku Harry Kane duket se i plotëson të gjitha kriteret. Sulmuesi anglez, nga ana e tij, nis të bëjë të qarta preferencat e tij.
Negociatat kanë hyrë në një pjesë të rëndësishme, por Madridi nuk është i gatshëm të presë deri në fund të merkatos. Prandaj, nënshkrimi i Kane vazhdon të ecë ngadalë por duket se mund të gjendet rrugëdalja. Do të shohim nëse Florentino do të fitojë sërish ‘duelin’ e tij të veçantë me Daniel Levyn.
Discussion about this post