Gazetari francez Romain Molina ka publikuar arsyen pse Kylian Mbappe është inatosur me drejtuesit e PSG-së, që janë tre transferimet e premtuara gjatë merkatos së verës, asnjëra prej të cilave nuk ndodhi në fund.
Ai pohon se drejtuesit e PSG-së i kishin premtuar Mbappes se skuadra e sezonit aktual do të jetë më e fortë me transferimin e tre lojtarëve, Robert Leëandoëski, Milan Skrinjar dhe Bernardo Silva, por asnjëri nga të përmendurit nuk erdhi dhe kjo është arsyeja që Mbappe është i zhgënjyer me premtimet e tyre.
Francezi dyshohet se dëshiron të largohet nga PSG në merkaton e janarit dhe të vazhdojë karrierën në një tjetër klub, ndërsa ditët e fundit është kritikuar shumë për sjelljen e tij dhe shumë futbollistë të famshëm e kritikuan se sillet “si fëmijë”.
22-vjeçari deri më tani ka zhvilluar 229 paraqitje me PSG-në dhe ka shënuar 182 gola, duke e bërë atë golashënuesin e dytë më të mirë në historinë e klubit pas uruguaianit Edinson Cavani.
Mbappe dëshironte të largohej nga PSG këtë verë, sepse Neymar aktivizoi automatikisht klauzolën në kontratë dhe zgjati bashkëpunimin me kampionin francez deri në vitin 2027.
Në fund, ylli francez rinovoi sërish kontratën me parisienët dhe për të qëndruar në klubin francez u mobilizuan të gjitha resurset kombëtare, përfshirë edhe presidentin e Francës, Emmanuel Macron.
Discussion about this post