Është zbardhur dëshmia e 31-vjeçarit Ermil Sorra, i cili u mor peng pak ditë më parë nga Shkëlqim Koçeku dhe Sulltan Picari, të cilët e strehuan në banesën e Denalda Çezmës, ku dhe e dhunuan barbarisht.
Sipas dosjes së siguruar nga Report TV, Ermil Sorra ka deklaruar se kishte një lidhje me 37-vjeçaren dhe se ajo i kishte marrë atij deri në 30 mijë euro borxh, gjatë kohës që ato kishin një lidhje me njëri tjetrin. Sipas Sorrës, ato e kanë marrë peng, në mënyrë që ta trembin që ai të tërhiqet nga kërkesa për ti marrë paratë e tij.
“Emil Sorra ka deklaruar se këta persona e kanë dhunuar të tre së bashku me grushta, shkelma, si edhe me rrip, ku i kanë shkaktuar këtij të fundit dëmtime të shumta në pjesë të ndryshme të trupit dhe në kokë. Sipas këtij shtetasi shkak për këtë ngjarje është lidhja intime që ai ka pasur me shtetasen Denalda Çezma, ku ai pretendon se gjatë kësaj marrëdhënie ai i ka dhënë shtetases Denalda Çezma, në periudha të ndryshme shuma të ndryshme parash të cilat sipas tij arrijnë vlerën e 30( tridhjetë) mijë eurove. Ai ka deklaruar se kjo shtetase e ka mashtruar në lidhje me kthimin e borxhit të marrë prej saj dhe se i ka përdorur personat e mësipër më qëllim që të largonte këtë të fundit”, thuhet në dosjen e prokurorisë.
Discussion about this post