Pas dëshmisë së Nuredin Dumanit, Gjykata e Posaçme ka çelur procesin gjyqësor ndaj Erion Alibej, Xhuliano Hoxhës dhe Euglen Halilit të akuzuar për vrasjen e Emiliano Ramazanit dhe Regis Runajt, korrikun e vitit 2020 në Elbasan. Sipas prokurorisë, organizator i vrasjeve dhe porositësi i tyre është Erion Alibej. Kujtojmë që në kërkesën për prova, SPAK kërkoi pyetjen e 24 dëshmitarëve, mes të cilëve dhe Nuredin Dumanit dhe Henrik Hoxhajt si dy të penduar të drejtësisë.
Dëshmitë e Nuredin Dumanit dhe Henrik Hoxhajt bënë të mundur organizimin e operacionit “Plumbi i artë” ku mbetën të arrestuar 18 persona ndërsa 14 të tjerë u shpallën në kërkim, mes të cilëve emra “Vip” të botës së krimit si Ervis Martinaj, Talo Çela etj.
Discussion about this post