Gazetarja Anila Hoxha ka deklaruar se është përgjegjësia e Prokurorisë së Posaçme Kundër Korrupsionit dhe Krimit të Organizuar (SPAK) nëse nxirren sekretet hetimore dhe jo e gazetarëve të cilët e publikojnë atë.
E ftuar mbrëmjen e sotme në “Top Story”, Hoxha tha se prokurorët e kanë vizituar Nuredin Dumanin në spitalin e burgut dhe që aty nis rrjedhja e informacionit. Problemi sipas gazetares është që SPAK ka partner policinë e shtetit dhe jo BKH-në. Ajo shtoi se aktualisht në SPAK ka një hetim për dekonspirim.
“Kjo çështjeje do zgjasë disa ditë. Historia e Nuredin Dumanit dhe Henrik Hoxhajt shkon përtej asaj që quhet sekret hetimor. I tërheq gazetarët që të jenë në kërkim të detajeve për konkurrencë. Pikëpyetja e parë është nëse sekreti u dëmtua kur e tha Dumani apo më herët. Pasi Dumani u arrestua, u shpërnda një video e arrestimit ku ishte strehuar pasi ishte plagosur. Gledis Nano e konsideroi një sukses pasi Dumani gjurmohej prej kohësh ndërsa policia po dështonte. Sapo pacienti u transferua në spitalin e burgut, pati masa nga SPAK. Merrte liri me kusht për shkak të një sëmundje të zëmrës. Për shkakun shëndetësor del pas arrestimeve. Ky shtetas, nga krime të vogla u perfeksionua. U dënua me kusht dhe askush nuk e kontrolloi. SPAK e ka në duar, përpiqet të ruajë sekretin, prokurorët fillojnë dhe e vizitojnë shpesh në spitalin e burgut. SPAK ka partner policinë e shtetit, ndërkohë që duhet të ketë BKH, këtu fillon problemi. Po të duan i ruajnë shumë mirë sekretët. Në spitalin e burgut ka policë të burgjeve, ambientet e spitalit janë të pakonsiderueshme. Në ditët e para qarkulloi informacione që Nuredini kishte filluar të fliste, kjio ishte çëshja më e diskutuar. U raportua që është penduar, ishte një lajm i madh se dihej kush ishte Dumani dhe Hoxha. Njësoj do të ishte edhe për Talo Çelën nëse do kapej. SPAK nuk nisi asnjë hetim dhe verifikim, ata janë pronarët e atij sekreti, është përgjegjësia e tyre. A raportojmë për fëmijë të abuzuar, japim emrat e tyre? Nuk e bëjmë për të ruajtur fëmijën. Në SPAK aktualisht ka një hetim për dekonspirim. Ata vërtet thonë që e kishin me gazetarin, por ata thonë ndalohet publikimi i pjesshëm apo i plotë,”- tha Hoxha.
Discussion about this post