Është zbardhur dëshmia e plotë e Klodian Hasimllarit, i cili orët denoncoi sot gjetjen e një foshnje të pajetë në banesën e tij në Korçë. Hasimllari është paraqitur në komisariatin e Korçës rreth orës 02.00 të mëngjesit të sotëm ku ka denoncuar ngjarjen e rëndë.
Ai ka treguar për uniformat blu se është tronditur nga ajo që kishte parë, duke thënë se trupin thuajse të dekompozuar të foshnjës e gjeti pas aromës së rëndë që po vinte në shtëpi.
“Më duket se pashë një foshnjë në valixhe në shtëpi. Më vinte erë e keqe nga dhoma e gjumit, shkova kontrollova në dollapin e rrobave dhe pashë në valixhe një fëmijë. Unë kam më tepër se 1 vit që shkoj e vij nga Greqia sepse mundohem të mbaj familjen me bukë. Isha në Korçë para 5 muajsh, prandaj s’jam i sigurt nëse foshnja është e imja apo jo. Kisha 5 muaj pa ardhur në Korçë. Pyesja gruan po ajo më fliste në vetën e tretë duke përmendur emrin e saj pa e ditur që po fliste për veten. Thoshte që “M…” (emri shkurt i 40-vjeçares) ka lindur fëmijë dhe e ka futur në valixhe. Jam shumë i tronditur nga ajo që pashë”, mësohet të ketë thënë ai.
Ngjarja e rëndë është denoncuar sot nga burri i gruas në fjalë, ndërsa kjo e fundit është shoqëruar për në komisariat pas ngjarjes së rëndë.
Discussion about this post