Dëshmia e reperit pas konfliktit me armë në hotel: E godita se nuk më njohu

Zbardhet dëshmia reperit të njohur me emrin e artit Vinz, pas konfliktit me armë, ku tentoi të vriste pronarin e një hoteli.

Mëngjesin e sotëm ai ka shkuar në hotel me një vajzë 26-vjeçare dhe në atë moment recepsionisti i ka kërkuar kartën e identitetin. Në atë moment në debat janë përfshirë dhe pronarët e hotelit dhe Selita ka nxjerrë armën duke qëlluar në drejtim të Zeni Xhindit por fatmirësisht nuk ka të lënduar.

I arrestuar bashkë me partneren e tij, Vinz ka thënë se është klient i rregullt i hotelit dhe ndaj ishte mërzitur që i kishin kërkuar kartën e identitetit. Ai ka thënë më tej se ka qenë i dehur ku ka ndodhur ngjarja.

“Jetoj afër hotelit dhe i njoh mire se jam klient i rregullt. Fakti që me kërkuan kartë identiteti më mërziti se ata me njihnin. Isha i dehur kur ndodhi ngjarja”, ka thënë 30-vjeçari.

Kujtojmë se i riu nga Burreli jeton në Angli ndërsa është kthyer së fundmi për disa ditë në Tiranë.  Ervin Selita ka precedentë të mëparshëm penalë pasi ka qenë i arrestuar edhe më herët, rreth dy vite më parë.