Gjykata e Durrësit ka lënë në arrest me burg Mentor Çunin dhe Arjan Doçin të arrestuar pasi në furgonin e tyre u gjetën 7 pako kokainë, me peshë 7.3 kg, e destinuar për tu dërguar në Angli.
Pakot u gjetën të fshehura në një vend të fshehtë poshtë sediljes së shoferit gjatë kontrollit me skaner në portin e Durrësit mbrëmjen e 24 majit 2024.
Mësohet se porositës Fatbardh Çuni, është vëllai i Mentorit, i cili ishte dhe pronari i furgonit. Ndërsa Fatbardhi ishte pronari i linjës “Bledi Travel’ që merrej me transportin e mallrave të emigrantëve nga Shqipëria drejt Anglisë. Biznesi ishte regjistruar në Angli. Me shoferin, Arjanin ata ishin djem tezesh.
Mentor Çuni ka thënë në gjykatë se e kishin kontaktuar dhe I kishin dhënë pakot.
Të tre janë me origjinë nga Hasi ndërsa banojnë në Tiranë.
Avokati kërkoi një masë më të butë sigurie kundrejt garancisë pasurore, por kjo u refuzua nga Gjykata.
Nga dëshmia e Mentorit në gjykatë mësohet se I ka dhënë dikujt furgonin dhe e ka marrë mbrapsht pas dy ditëve. Gjatë kësaj kohe është futur dhe ngarkesa brenda.
“ E dija që do të bëhej dicka e pistë por nuk e dija saktësisht” ka thënë ai.
Discussion about this post